IPHOYISA LADUBULEKA LASHONA NGESIKHATHI LILWA NENTOMBI YALO EMPOPHOMENI
UConstable Nkosiyethu Mkhize, 32, owashona eMpophomeni ngaseHowick, kubikwa ukuthi wadutshulwa ngesikhathi kunengxabano phakathi kwakhe nentombi yakhe.
Lesi sigameko senzeka emzini kaMkhize eKorea Section, eMpophomeni, ngezikhathi zasekuseni. Ngokwemibiko yamaphoyisa, bekunengxabano phakathi kukaMkhize nentombi yakhe eneminyaka engu-33 ngaphambi kokuba kudutshulwe iphoyisa.
Kubikwa ukuthi uMkhize wadutshulwa ngesibhamu sakhe somsebenzi, kwathi inhlamvu yamlimaza emzimbeni yaze yalimaza nephaphu, nokwagcina kuholele ekutheni ashone. Kuthiwa bobabili bebengaphansi kwethonya lotshwala ngesikhathi kwenzeka lesi sigameko.
Intombi yakhe, uSebolelo Khumalo, yaboshwa ekuqaleni ibhekene necala le-culpable homicide. Ngesikhathi kuqhubeka udaba, kuthiwa yena wayephike ukuthi wayenenhloso yokubulala uMkhize, ethi wayezivikela ngesikhathi kunengxabano.
Kuthiwa manje amacala abebhekene naye asehoxisiwe, njengoba kubikwa ukuthi abukho ubufakazi obanele obukhombisa ukuthi wabulala uMkhize ngenhloso.
UMkhize ubesebenza kwi-Public Order Policing (POP) ePietermaritzburg, kanti ozakwabo nomphakathi bamchaze njengephoyisa elikhuthele nelihlonishwayo.
Ukushona kwakhe kushiye umndeni, abangani nozakwabo besosizini olukhulu. 🕊️💔
